Sofie & Bendik
1. august 2026
Volda Kyrkje | Rjånes Feriesenter

Etter mange års venting er det endeleg klart for bryllupet til Sofie og Bendik! Korleis har vi eigentleg komt oss hit? Det får du svaret på her:

​

Det skjedde i dei dagar i 2008 då Bendik byrja på Bratteberg skule. Der fekk han auge på ei fager(voll) jente med pannelugg, palestina-skjerf og uggs, som lyste opp på skuleplassen.

Det bar vidare til ungdomsskule der dei to var så heldige med å hamne i same klasse. Sjølv om alle Bendik sine venar hadde kome i andre klasser, og han fleire gongar vart oppfordra til å bytte klasse, så gjorde han ikkje det. Lurer på kvifor..

​

Sjølv med daglege interaksjonar i tre år i same klasse så skjedde det ikkje så mykje på kjærleiksfronten, anna enn ein filmkveld i 2012 der begge erklærte at dei "likte den andre litt". Bendik venta tolmodig på framtida medan Sofie nytta desse åra godt til å øve på forhold. Etter litt prøving og feiling var ho endeleg klar til å ta med sine lærdommar til den komande hovudpersonen i hennar liv, og øvinga gav resultat! 

​

I førsteklasse på vidaregåande skule (2015) tok dei to endeleg initiativ til å møtast privat etter skuletid, men sjøvsagt ikkje utan venninde Paula til stades! Det måtte nokre spelekveldar i trioformat til før dei etterkvart tørte å leggje planar på tomannshand. Sofie inviterte på pannekakebaking, noko som traff blink hjå Bendik, og etter det tok det "berre" over eit halvt år før dei endeleg kunne kallast kjærestar!

​

Etter dette har dei haldt saman gjennom folkehøgskuleår med avstand og 6 år med studentliv i Bergen før Bendik etterkvart hadde manna seg nok opp til å gå ned på kne i ein gondol i Venezia sommaren 2024, noko Sofie var svært begeistra (og klar) for. Så bar turen heimover til Volda med boligkjøp og ut i arbeidslivet. ........